- Os elementos a reciclar deberán estar situados fóra das vivendas antes das nove da mañá do propio día da recollida
Un dos propósitos do goberno local de Ponteceso é continuar desenvolvendo boas prácticas co medio ambiente. Por este motivo desde o Concello facilitaron as rutas de recollida de residuos urbanos especiais como aceites de cociña usados, pilas e baterías, bombillas, pequenos electrodomésticos ou aparellos electrónicos, graxas ou manteigas, tixolas e potas ou roupa, entre outros elementos.
A empresa Collecting Oil é a encargada de recoller estes residuos que deberán deixarse fóra da vivenda, nun lugar accesible, antes das nove da mañá do propio día de recollida. Máis información no 639 920 936.
Luns, día 10. Comezarase na estrada de Corme (xunto á ponte) pasando por Cedeira, Carracido, Couto, Cospindo, A Brixería, Curras, A Matigueira, Balarés, Guxín, Xomonte e Corme Aldea.
Martes, día 11. Corme Aldea, Froxán, O Picoto, Corme Porto (rúa Vila de García, paseo marítimo, estrada Ponteceso e a rúa Río de Arriba).
Mércores, día 12. Corme Porto (estrada Roncudo, rúa Arnela, barrio Campo e rúas Real, Nova e Travesía Nova).
Xoves, día 13. Corme Porto ( rúas Nova e Paxariñas, barrio Regadiños, rúas Agra Rodríguez, barrio Fontiñas, Roncudo, As Regadiñas, As Pedras Miúdas, rúas Condes e Carral e o paseo marítimo.
Venres, día 14. Corme Porto (rúas Coroto, Xeneral Mourelle, Sol, Hortas, Crego, Fontiñas e Rela, paseo marítimo, avenida Mariña e o barrio Fontiñas.