O alcalde de Ponteceso, Xosé Lois García, anunciou que se levará a cabo a rehabilitación enerxética do local social de Pazos e da escola unitaria con fondos de compensación ambiental e fondos propios.
As melloras a levar a cabo son aplicar as medidas para que o edificio sexa enerxéticamente eficiente realizando o illamento con boas características térmicas.
En verbas do alcalde, “esta actuación mellorará considerablemente o consumo enerxético e fará as instalacións máis confortables para todas as persoas usuarias”.
A reforma conta cun orzamento de algo máis de 48.000 euros. Cabe destacar que os membros do coro son os usuarios máis frecuentes do local social.