38
O presidente da Deputación da Coruña, Valentín González Formoso, a petición do alcalde de Ponteceso, Xosé Lois García Carballido, asinou o expediente de licitación, por importe de 303.583,42 euros, para a segunda fase do asfaltado da DP-6805 entre a Ourada e Pazos. Deste xeito, as obras estarán executadas antes do fin do verán, acumulando un investimento superior aos 600.000 euros na mellora do tramo A Campara – Pazos, sumando aos traballos que se fixeron o ano pasado da Campara á Ourada.