32
Nos últimos días os ingresos superan o milleiro e hai 144 pacientes de Covid-19 nas UCI, con estes datos, Portugal prevé hospitais de campaña en Oporto e Lisboa para aliviar a presiòn dos centros sanitarios. Portugal está a piques de rematar a súa peor semana de toda a pandemia. Con números record de contaxios afronta o seu estado de calamidade activado. A zona de Lisboa segue a ser a que ten máis positivos pero preocupa especialmente un gromo xurdido entre os estudantes do Porto, son 230 infectados, dos cales 101 son estudantes erasmus. O executivo portugés continúa co seu plan de ir sumando restricións a medida que soben os contaxios.