Portugal suma de media 700 positivos novos cada día por coronavirus, polo que está a punto de chegar aos índices que tiña no confinamento. Deste xeito amplíanse as restricións dentro do que eles chaman o seu «estado de continxencia». O estado de continxencia portugués non é como o estado de alarma español, non é un estado de excepción, pero si un protocolo que garante a protección civil dun xeito máis áxil. Amplíano ata o 14 de outubro, e iso significa que seguirán sen permitirse as xuntanzas de máis de 10 persoas, 4 nunha mesa de restaurante dun centro comercial, os comercios non poden abrir antes das 10 e prohíbese a venda de bebidas alcólicas máis alá das 8 da tarde agás nos restaurantes cando se cee. A máscara segue sen ser obrigatoria na rúa, só unha recomendación en zonas moi transitadas.