Portugal non está para bromas, o primeiro ministro António Costa admitiu que se aplicará un confinamento xeral durante polo menos un mes para frear unha terceira onda da pandemia de coronavirus, que está a ser máis severa que as anteriores no país. Costa sinalou que, ante a «fortísima dinámica de crecemento» que vive a pandemia en Portugal, superando a barreira dos 10.000 contaxios diarios en varias xornadas e 120 mortos ao día, a «única forma» de frear os contaxios é un novo confinamento similar ao que se aplicou durante a primeira onda, aínda que esta vez as escolas manteríanse abertas.