Podería ser decretado esta semana e para polo menos 15 días, despois de que os contaxios de covid-19 se dispararan tras as festas do Nadal. O mércores pasado superou os 10.000 casos por primeira vez, cun aumento significativo respecto ao anterior máximo (uns 7.600 positivos), e desde entón as cifras mantivéronse ao redor dese nivel. O aumento dos contaxios faise notar igualmente nos hospitais, onde o número de ingresados non deixa de crecer e alcanzou hoxe novos máximos. A actividade non urxente foi suspendida en toda a rexión de Lisboa e Val do Tajo e varios centros hospitalarios de diferentes zonas do país deron alerta de que están excedidos, véndose obrigados mesmo a trasladar pacientes a outros hospitais con menos saturación. Ante estes números, unha volta ao confinamento xeral parece inevitable, e o propio primeiro ministro, António Costa, xa admitiu que é un escenario «probable».
35