Portugal rexistrou 421 novos positivos por coronavirus, o maior aumento absoluto no último mes, a maioría na zona de Lisboa e Val do Texo, onde desde mediados de maio se dispararon o número de infectados. Debido ao aumento de casos, Lisboa era a única zona onde aínda non están abertos ao público os centros comerciais que, en principio, volverán funcionar a partir do próximo 15 de xuño. Este martes o Consello de Ministros de Portugal prorrogou por outros 15 días o peche dos puntos fronteirizos con España, ata o 30 de xuño. Só poden cruzar a fronteira polos nove pasos habilitados traballadores transfronteirizos ou vehículos de transporte de mercadorías. En principio, se a situación de ambos países é favorable, as fronteiras retomarían a normalidade para partir do 1 de xullo.
43