O suceso tivo lugar o pasado luns sobre as 18:00 horas. Testemuñas do suceso relataron que a muller, de 44 anos, agarrou a menor polo pescozo e o pelo, tirouna ao chan e arrastrouna pola vía durante polo menos dez metros. Un axente da Policía Nacional que se atopaba fóra de servizo interveu de inmediato na liorta para reducila, polo que pouco despois foi detida. Acto seguido constatouse que a muller suma máis dunha decena de arrestos por episodios violentos, polo que ingresou en prisión provisional na Lama por orde do xulgado de Pontevedra.