A Festa da Milagrosa de Carballo estrea este ano 2019 unha nova comisión formada por 13 persoas que levan varios meses traballando para ofrecer un amplo programa lúdico nunha das festas con máis tradición da contorna.
Este venres tivo lugar a presentación do programa na escola de Arrabales, onde o presidente, Luís Barca Añón, acompañado por varios membros da comisión e o autor do cartel, o artista carballés Mon Lendoiro, diron a coñecer os pormenores de todas as celebracións, que comenzarán o xoves 22 de agosto con actos litúrxicos e terán continuidade ata o domingo 1 de setembro.