11
O BNG da Laracha deu un paso máis cara o proceso electoral de maio coa presentación das cinco persoas que acompañan a Carolina Castiñeiras Brandón nos primeiros postos da candidatura. Nun recuncho tan emblemático coma a área recreativa de Gabenlle, a candidata á alcaldía deu a coñecer a seus compañeiros e compañeiras, entre os cales figuran tres caras novas nos postos 3, 4 e 5.
Así quedaría conformado o primeiro tramo da lista:
- Carolina Castiñeiras Brandón (Paiosaco), actual voceira do grupo municipal e concelleira dende o ano 2007, aínda que a súa experiencia política vén de máis atrás, xa que está vinculada ao proxecto nacionalista dende os 18 anos, e ao longo da súa traxectoria desempeñou diversas responsabilidades, primeiro en Galiza Nova e despois no BNG.
- Xosé María Cotelo Freire (A Laracha), é o coordinador da Mesa Pola Normalización Lingüística e da Plataforma Galega en Bergantiños e Costa da Morte. Traballador de AENA.
- David Bermúdez Lamas (Montemaior), é o responsábel de Galiza Nova na Laracha, e profesionalmente é un DJ moi recoñecido.
- Fanny Pombo Angeriz (Lemaio), administrativa nunha empresa do sector industrial.
- Maribel Fraga Cotelo (A Laracha), traballadora do sector sociosanitario
- José Ramón Mallo Buño (Coiro), labrego.
Carolina Castiñeiras agradeceu a xenerosidade dos seus compañeiros e compañeiras e o compromiso de toda a candidatura do BNG co necesario cambio de rumbo do Concello da Laracha.