O Ministerio de Consumo, o programa de Nacións Unidas para o Medio Ambiente e a Comisión Europea presentaron dúas ferramentas para promover o consumo sostible e axudar á cidadanía para coñecer cal é o impacto ambiental dos seus hábitos de vida. As ferramentas son, por unha banda, a Calculadora de Pegada da persoa consumidora, que permite calcular os impactos ecolóxicos do consumo persoal e foi desenvolta polo Joint Research Centre (JRC) da Comisión Europea. Por outro, a versión española da web Mans á acción da ONU, que impulsa pequenos cambios para desenvolver estilos de vida máis sostibles. Segundo explicou o ministro de Consumo, Alberto Garzón, durante o seminario Pensar, comprar, actuar, senllas ferramentas axudarán á cidadanía para ter «información correcta» sobre o impacto dos seus hábitos diarios de consumo. Tamén a tomar «mellores decisións» individuais e colectivas á hora de comprar.
25