O presidente de Afaber, Jesús Villar, acompañado de outros membros dos equipos técnicos de diferentes AFAS de Galicia estará esta semana asistindo ao XI Congreso Nacional de Alzheimer de CEAFA e XV Congreso Iberoamericano de Alzheimer (AIB) que terá lugar en Eivissa baixo o lema “Rompendo fronteiras” e o cal foi inaugurado pola raíña Sofía de Grecia.
Os principais obxectivos que caracterizan esta edición son: actualizar coñecementos e informacións que afectan ás demencias; compartir experiencias e boas prácticas entre profesionais, familiares, voluntarios e persoas con demencia; melloras o coñecemento de experiencias e prácticas internacionais; xerar sinerxías entre profesionais e entidades e avanzar na compilación de coñecemento en materia de abordaxe integral do Alzheimer.
Desta maneira, os catro bloques temáticos que centrarán os temas do Congreso son: a prevención, a investigación, a asistencia sociosanitaria e a persoa e a súa dignidade.
42