22
Miles de persoas chegan cada día a Santiago de Compostela, peregrinos, turistas ou visitantes que, aproveitando o bo clima do norte, enchen as rúas e terrazas da cidade. O Camiño de Santiago segue batendo récords: por primeira vez na súa historia desde que hai rexistros, superou os 200.000 peregrinos antes do 25 de xullo, día do Apóstolo Santiago. Durante estes días, a cidade terá unha ocupación do 80%, similar á do ano pasado, Ano Santo. Con todo, a pesar dos bos datos que acumula este ano o turismo, comerciantes e hosteleiros aseguran que as vendas baixaron. A xente déixase de media na cidade entre 90 e 150 euros ao día. Segundo algún comerciante un 50% menos que en anos anteriores.