O Xulgado de Instrución número 2 de Corcubión decretou prisión provisional, comunicada e sen fianza para un veciño de Vimianzo por , supostamente, incumprir de forma reiterada as normas de confinamento. O acusado xa fora condenado este mesmo mes pola mesma causa, ao circular co seu vehículo de maneira inxustificada. Agora, este venres, atopábase no interior do seu vehículo en Vimianzo, sen adaptarse aos supostos permitidos que figuran no Estado de Alarma. No auto xudicial destácase “un absoluto desprezo polo principio de autoridade que o investigado vén exteriorizando de forma sistemática”. O seu ingreso en prisión provisional vén determinado, dado que as autoridades consideran que “resulta patente” a “altísima probabilidade” de que volva a saltarse as normas. A Fiscalía solicita que sexa condenado a 363 días de prisión por un delito grave de desobediencia á autoridade con agravante de reincidencia.
39