O secretario do PSdeG-PSOE Provincial da Coruña e portavoz socialista na Deputación da Coruña, Bernardo Fernández Piñeiro, visitou, xunto cos candidatos á alcaldía de Coristanco, José Manuel Pérez Abelenda, e Santa Comba, Alberto Romar, a estrada DP-2904 que serve de conexión entre estes dous municipios.
Tanto os socialistas de Coristanco como os de Santa Comba demandan a mellora do trazado do vial, que conta con algúns puntos especialmente perigosos onde se teñen producido diferentes accidentes.
Bernardo Fernández comprometeu a que a Deputación da Coruña, titular da vía, encargue un estudo de mellora do trazado de cara a eliminar esas zonas perigosas e mellorar a seguridade nunha estrada que rexistra un elevado volume de tráfico ao conectar estas dúas localidades.
0