39
A Xustiza europea suspendiu temporalmente o levantamento da inmunidade ao expresidente da Generalitat de Cataluña Carles Puigdemont e aos seus antigos conselleiros Toni Comín e Clara Ponsatí, todos eles fuxidos da Xustiza española e cun escano no Parlamento Europeo, por Junts per Catalunya. A súa inmunidade fora retirada pola Eurocámara, o pasado 9 de marzo, a pedimento do Tribunal Supremo español, ao considerar que os feitos polos que son reclamados nada teñen que ver coa súa actividade como europarlamentarios, ademais de que tiveron lugar antes de lograr os seus escanos. Agora, o Tribunal Xeral da Unión Europea, ante o que recorreran dita decisión, ordenou paralizala, ata que se tome unha decisión final.