Putellas, Paredes e Rodríguez ratifican ante o xuíz a versión de Hermoso

As xogadoras da selección española de fútbol Alexia Putellas, Irene Paredes e Misa Rodríguez ratificaron a versión da súa compañeira Jennifer Hermoso ante o xuíz da Audiencia Nacional que investiga ao expresidente da Real Federación Española de Fútbol (RFEF), Luís Rubiales, por delitos de agresión sexual e coaccións á xogadora. As tres, que declararon en calidade de testemuñas, confirmaron que o bico a Hermoso non foi consentido e que houbo presións tras os feitos, segundo fontes xudiciais. En concreto, aseguran que o propio Rubiales pediu a Hermoso chorando e polas súas fillas que fixesen un vídeo conxunto restando importancia ao bico, mentres que sinalaron a Jorge Vilda como unha das persoas da Federación que presionou á xogadora.