Vladimir Putin dixo que os novos mísiles prometidos por Estados Unidos non cambiarán nada – pero Rusia atacará novos obxectivos se esas entregas proceden.
«E, de todos os xeitos, todo este alboroto coas entregas de armas adicionais só ten un obxectivo: alongar o conflito armado o máis posible. Pero se as entregas (de armas de longo alcance) se producisen, sacaremos as conclusións correspondentes e utilizaremos os nosos propios medios de destrución, dos que temos suficientes, para golpear aqueles obxectivos que aínda non foron alcanzados por nós antes», declarou Putin.
Putin fixo estas declaracións despois de que a Casa Branca anunciase un novo paquete de axuda militar a Ucraína por valor de 700 millóns de dólares, que inclúe lanzadeiras múltiples de mísiles HIMARS cun alcance de ata 70 quilómetros. EEUU tomou esta decisión despois de que Zelenski, prometese non usalos contra territorio ruso.