Rusia anunciou este domingo plans para crear novas bases militares no mar Mediterráneo, a rexión de Asia-Pacífico, o océano Índico e o golfo Pérsico no marco da nova doutrina naval aprobada polo presidente, Vladímir Putin, e que considera a Estados Unidos como a maior ameaza para a súa seguridade. Moscova ve como o «principal risco» para a súa Armada a falta de suficientes bases fóra das súas fronteiras que poidan recibir e abastecer aos seus buques e realizar labores de reparación e mantemento técnico. Ademais, disponse a solucionar unha das principais carencias da súa frota desde hai décadas, a construción de portaavións.