As forzas rusas continúan cos seus asaltos no leste de Ucraína onde tomaron xa varias poboacións nas rexións de Járkov e Donbás, segundo recoñeceu Ucraína. Con ataques como estes tratan de capturar Kramatorsk e Sloviansk desde o sur de Izium. Os cidadáns de Kramatorsk viven con medo nunha cidade semivaleira. O Ministerio de Defensa ruso difundiu un vídeo sobre os seus ataques a unha zona fortificada ucraína e anunciou a destrución dun arsenal de armas occidentais na rexión meridional de Zaporiyia. Putin advertiu dunha resposta rápida ante calquera inxerencia. “Se alguén do exterior se move para interferir nos actuais avances, creando así ameazas estratéxicas inaceptables para Rusia, debe saber que a nosa resposta aos ataques deste tipo será rápida como un raio”, matizou.
20