Os vinte anos de Estados Unidos en Afganistán conseguiron cero resultados, se non negativos tanto para as súas tropas como para o pobo afgán. Así valorou Vladímir Putin a misión do exército estadounidense no país asiático.
Segundo o presidente ruso, de visita nun centro escolar de Vladivostok, resulta imposible impoñer algo desde fóra. E sempre se deben respectar a historia, cultura e filosofía de vida do outro pobo. Durante os últimos anos, Moscova actuou como mediador, contactando con diferentes faccións, incluídos os talibáns.
Mentres, a diplomacia europea incrementa os seus contactos con Catar, que media cos talibáns para garantir a continuación da evacuación de quen queira marcharse. Doha pediu ao novo réxime o establecemento de corredores seguros. Á angustia dos afgáns por haberse quedado sos ante os talibáns, súmanse as previsións de Nacións Unidas de que o país podería quedar sen alimentos este mesmo mes.