Putin e Xi debaterán sobre o plan de paz chinés para Ucraína

Vladímir Putin e Xi Jinping reúnense no Kremlin nunha visita de traballo de tres días. Un cara a cara no que o prato forte sobre a mesa é a iniciativa de paz chinesa para Ucraína, Para Putin, a presenza de Xi é un prestixioso triunfo diplomático no medio dos esforzos occidentais por illar a Rusia. Respecto ao plan de paz, China mantén unha postura ambigua, pois defende a integridade territorial de Ucraína, pero sempre pendente das preocupacións de seguridade de Rusia. Kiev considera que o plan chinés carece de lóxica e está cheo de contradicións porque non se poden ter en conta os intereses do país agresor.