Queimadas máis de 30.000 hectáreas nunha semana en Galicia

Os dezaseis incendios máis importantes que había activos este mércores en Galicia queimaron xa 29.334 hectáreas, 10.500 en Carballeda de Valdeorras (Ourense), cifra que creceu en 1.500, e 11.100 entre a suma dos núcleos afectados en Folgoso (Lugo), segundo o parte de Medio Rural con datos solicitados ata a unha e media. A xornada deste mércores intensificou a propagación das chamas nas provincias de Ourense e Lugo, as máis castigadas nesta onda. Cabe destacar que esta vaga de lumes obrigou a desaloxar das súas vivendas a máis de 1.400 persoas.