A ministra de Defensa alemá, Christine Lambrecht, afirmou que 15 países, entre eles Bélxica e o Reino Unido, rubricaron un compromiso para avanzar coa creación dun sistema común europeo de defensa aérea. O proxecto, coordinado por Alemaña, recibe o nome de Escudo Europeo do Ceo e por agora España non formará parte del.
«Queremos construír un proxecto común en materia de defensa aérea terrestre e defensa das forzas aéreas, e coa firma do Memorando de Entendemento, poñemos en marcha esta iniciativa e compartimos a nosa responsabilidade común pola seguridade do noso continente», explicou Lambrecht.
Pola súa banda o chanceler alemán, Olaf Scholz, declarou a finais de agosto que Alemaña ten previsto realizar grandes investimentos na súa defensa aérea durante os próximos anos e que o sistema se establecerá de forma que os aliados europeos poidan ir uníndose a el.