Os ex-presidentes do Goberno Mariano Rajoy e José María Aznar están chamados a declarar como testemuñas no xuízo do caso Bárcenas, en que se investiga o presunto pagamento da reforma da sede do PP de Génova, en Madrid, con cartos da caixa B.
Neste novo xuízo polos papeis de Bárcenas, Rajoy declarará por segunda vez na Audiencia Nacional e Aznar farao por vez primeira.
Tamén serán chamados como testemuñas neste procedemento catro exsecretarios xerais do PP: Francisco Álvarez Cascos, Javier Areas e Angel Acebes, quen testificou no xuízo da Gürtel da primeira época, así como María Dolores de Cospedal, quen non tivo que comparecer entón. Entre os citados están, así mesmo, os exministros Rodrigo Rato, Federico Trillo ou Jaume Matas.