Reabre a causa pola venda das fábricas de Alcoa da Coruña e Avilés

Nun auto da Audiencia Nacional os maxistrados da Sección Terceira explican que o sobresemento ditado o pasado 21 de xullo para Alcoa Inespal e os seus representantes «resulta prematuro».  Deste xeito, a Sala do Penal da Audiencia Nacional revogou o arquivo provisional acordado o pasado mes de xullo pola xuíza María Tardón para Alcoa e os seus representantes lembrando que a investigación «non finalizou» e sinalando que aínda están «pendente de resolverse» as actuacións de supostos prexudicados. A Sala acolleu o recurso dunha acusación e explica que os apelantes non puideron ata a data «propor a práctica de dilixencias de investigación tendentes a manter a imputación» tanto da compañía como os seus representantes.