A orde da Consellería de Sanidade publicada no Diario Oficial de Galicia (DOG), establece que os cinemas, teatros, auditorios, congresos e outras actividades similares poderán retomar a súa actividade desde este mércores, pero deberán levar un rexistro de asistentes con información de contacto de cada un deles para, no caso de que apareza un gromo de covid, poñelo ao dispor das autoridades sanitarias. As persoas que acudan ao espectáculo terán que permanecer sentadas, manter a distancia de 1,5 metros -salvo que sexan conviventes- e levar máscara en todo momento. Así, coa finalidade de evitar aglomeracións, a distribución das butacas será «homoxénea» e haberá unha planificación «adecuada» para controlar os accesos e a circulación dos asistentes. As instalacións cubertas terán que ventilarse polo menos 30 minutos ao comezo e ao final de cada xornada, así como de maneira frecuente e obrigatoriamente ao final de cada actividade. Se se utilizan sistemas de ventilación mecánica, estes non poderán empregar a función para recircular o aire interior, senón que deberán fornecer aire fresco.
32