O conservador Marcelo Rebelo de Sousa, presidente de Portugal e candidato á reelección, é o vencedor das eleccións presidenciais do país, segundo os resultados provisionais oficiais, que lle outorgan un 64 % dos votos.
En segundo lugar aparece o candidato de ultradereita, André Ventura co 12,5 %, seguido da exeurodiputada socialista Ana Gomes co 10 %. O restantes catro candidatos, Marisa Matias, apoiada polo Bloco de Esquerda; o comunista João Ferreira e o liberal Tiago Mayan e o candidato independente Vitorino Silva non chegan ao 4 % de votos.
Son resultados que xa apuntaban as sondaxes a pé de urna das televisións, que coinciden en dar a vitoria en primeira volta a Rebelo de Sousa, sempre por encima do 55 % dos votos. Segundo estas proxeccións, quedará en segundo lugar Ana Gomes, con entre o 13 e o 16 % de votos, en tanto que a terceira praza é para o candidato de ultradereita, André Ventura, con entre o 8 e os 12 % votos.
Seguiríanlles Marisa Matias, apoiada polo Bloco de Esquerda, o comunista João Ferreira e o liberal Tiago Mayan, todos con entre o 3 e o 5 % dos votos, en tanto que o candidato independente Vitorino Silva lograría entre o 2 e o 4 % dos votos.