Preocupación en Betanzos pola calidade da auga municipal. Un gromo de gastroenterite durante esta fin de semana fixo saltar todas as alarmas por si a orixe do foco estivese na traída de auga municipal.
As cifras oficiais falan de 103 casos diagnosticados, pero en Betanzos din que son máis.
As analíticas realizadas ata o de agora pola empresa concesionaria do servicio dan como resultados que a auga cumpre cos parámetros para o consumo, pero séguense realizando máis probas. Algúns veciños notaron xa o venres que a auga ulía mal.
O Sergas está a realizar un estudo epidemiolóxico para buscar a orixe do gromo e mentres tanto recomenda non consumir auga da billa.