24
O Reino Unido rexistrou este mércores máis de 78.600 novos contaxios de covid-19 en 24 horas, a cifra máis alta desde o comezo da pandemia e moi por encima do peor momento que se lembra, en xaneiro de 2021. O primeiro ministro, Boris Johnson, no ollo do furacán polas súas presuntas violacións das normas durante o confinamento, pediu a todos os británicos maiores de 18 anos que acudan a poñerse a terceira vacina de reforzo «agora mesmo». «É absolutamente vital -dixo Johnson-, porque a onda de ómicron está a chegar a todo o Reino Unido, con máis de 78.000 casos hoxe, a cifra máis alta xamais rexistrada».