41
O cadáver dun home foi recuperado na mañá deste martes en Cambre, concretamente na presa de Cecebre. Segundo se lle indicou ao 112 Galicia, foron os membros do Servizo Municipal de Protección Civil os que retiraron da auga o corpo sen vida do varón ao fío das 11:15 horas.
Acto seguido, os xestores do 112 Galicia pasaron o aviso a Urxencias Sanitarias de Galicia-061, á Policía Local, á Garda Civil e aos Bombeiros de Arteixo.
As forzas da orde tratan de esclarecer as circunstancias do suceso.