Regresa o balonmán ao Vila de Noia, volve o Calvo Xiria ao seu feudo. O último partido que se xogaba como local, foi o 17 de decembro; polo que xa hai ganas de xogar na casa de novo. Será este sábado ás 20:00 horas contra Bm Ingenio. O conxunto canario; é un dos rivais fortes da categoría, cunha antropometría física superior á media, deberá o Calvo Xiria buscar ocos na defensa 6:0, e temporizar ben o ritmo de partido, ante a experiencia do equipo visitante. A afección ten que ser o xogador número oito e animar aos seus desde o inicio do encontro.