Co visto e prace da Axencia Reguladora de Produtos Sanitarios e Médicos, o Reino Unido convértese no primeiro país do mundo en iniciar a vacinación da poboación contra o coronavirus a próxima semana, segundo informou este mércores o ministerio británico de Sanidade. Nos ensaios clínicos, dos que se informou nas últimas semanas, a vacina demostrou ser un 95 % efectiva e con bos resultados para todas as persoas, tanto novas como anciás. Os reguladores británicos aprobaron a vacina desenvolvida pola empresa estadounidense Pfizer e o seu socio alemán BioNTech para o seu uso no país. O ministro británico de Sanidade, Matt Hancock, dixo este mércores que «o Reino Unido é o primeiro país do mundo que conta cunha vacina aprobada clinicamente para a súa subministración».
41