O mes de maio rematou, e tamén o fixo a campaña de trampeo da avespa velutina, unha iniciativa do Servizo Municipal de Control de Pragas de Carballo que se iniciou no mes de marzo, e cuxa finalidade é reducir a presenza desa especie invasora no municipio.
Este ano colaboraron 58 persoas, o que permitiu colocar 737 trampas, 312 máis que no 2018. As capturas tamén se incrementaron, conseguindo atrapar a 12.511 raíñas en total.
As cifras detalladas son as seguintes:
| PARROQUIA | Nº DE RAÍÑAS |
| Aldemunde | 241 |
| Ardaña | 378 |
| Artes | 876 |
| Berdillo | 761 |
| Bértoa | 173 |
| Cances | 95 |
| Carballo | 1.948 |
| Entrecruces | 141 |
| Zona Baldaio | 1.427 |
| Razo-Oza | 2.369 |
| Rus | 2.708 |
| Sísamo | 564 |
| Sofán | 499 |
| Goiáns | 331 |
| TOTAL | 12.511 |
O Servizo Municipal de Control de Pragas contou de novo este ano coa axuda dos apicultores e tamén de moitos particulares. Agora, unha vez rematada a campaña, procederase á retirada das trampas para non xerar residuos e tamén para evitar que caian nelas outros insectos.
Desde o Concello de Carballo agradecen a colaboración da cidadanía neste traballo colectivo contra unha especie invasora que está a incidir moi negativamente tanto na poboación de abellas coma en actividades coma a produción de mel ou de froita.