- Un problema de filtracións provocara un corremento de terra importante con risco de desprendemento
A aldea de Lexas xa dispón dunha novas beirarrúas a ambas marxes da calzada, así coma un muro de carga e unha baranda realizados para superar un desnivel de terreo coincidente co límite de entrada neste núcleo vimiancés. Desde o Concello sinalan que esta intervención «era moi necesaria xa que un problema de filtracións da estrada provocara un corremento de terras importante e con risco de desprendemento».
A Xunta de Galicia, a través da Axencia Galega de Infraestruturas, foi a encargada do levantamento dun muro de contención de 160 metros que garante a seguridade na marxe esquerda da vía, namentres que os traballos municipais, a través do equipo de albaneis do Concello, consistiron no cambio e limpeza das baldosas a ambas marxes da vía e a reposición da baranda.