Rematan as obras de mellora en varias estradas de Zas

Remataron os traballos de mellora que se realizaron en varias estradas municipais e que se concentraron nas parroquias de Zas, Baio e San Adrián, con cargo ao Plan Único da Deputación da Coruña POS+ 2019. E que teñen como finalidade mellorar a seguridade viaria así como a estética da rede de vías de titularidade municipal. 

As estradas arranxadas foron:

• Carretera de Ponte “Relojero” a DP. 9302 (Zas)
• Rúa da Fábrica 
• Vilar do Mato
• Carretera Carballeira de Zas – O Vento
• Carretera Carballeira de Baio – Parque infantil
• Carretera San Adrián – Brandomil (tramo Berbia – O Vento)

As obras consistiron na limpeza e apertura das cunetas e na renovación do firme cunha capa de aglomerado en quente de cinco centímetros de groso. En total renováronse case 11.000 metros cadrados de estradas municipais que presentaban un notable deterioro debido á climatoloxía e ao seu uso.