- Os traballos alcanzaron os 95.000 euros e foron financiados a través do Plan Único da Deputación da Coruña
O Concello de Cabana concluíu os traballos de reparación en varios puntos das parroquias de Silvarredonda e Riobóo. As obras contaron cun investimento de 95.049 euros que foron financiados do Plan Único da Deputación da Coruña.
O alcalde, José Muíño, destacou o importante progreso que supón este «incremento de calidade nas estradas que vertebran o municipio» e avanzou que esta actuación está enmarcada dentro doutra serie de intervencións máis ampla e que «eleva o investimento en acondicionamento de estradas a case 240.000 euros».
O proxecto que acaba de rematar contemplou o arranxo das vías entre Baneira e A Penela no núcleo da Paradoa, na parroquia de Silvarredonda, ademais dunha estrada no Meixoeiro, na parroquia de Riobóo. Repúxose o firme, eliminouse a maleza e tamén se pintaron as marcas viarias correspondentes.