47
Evacuada en helicóptero unha rapaza tras ser rescatada inconsciente da auga no Río Eo na Pontenova. Varios particulares informaban ao 112 dunha persoa que necesitaba axuda nese lugar. Segundo a información facilitada un grupo de menores atopábase xogando dentro da auga cando perderon de vista a unha delas. Poucos despois, outro alertante comunicaba que a menor fora localizada e xa estaba fóra da auga pero necesitaba asistencia sanitaria urxente. Garda civil, protección civil e un helicóptero medicalizado desprazáronse ata o lugar. A menor foi evacuada ao Hospital de Lugo.