Tres persoas foron rescatadas tras afundir un pesqueiro fronte a praia de Area Cova, no concello pontevedrés de Cangas do Morrazo. O suceso produciuse arredor das nove e media da mañá deste mércores e foi un particular o que alertou o 112.
Os tres mariñeiros sairan a bordo do Cachería Segundo e viñan do mar. Foron rescatados por unha embarcación menor dedicada a extracción da navalla. Un dos tripulantes foi trasladado ata o hospital Álvaro Cunqueiro cunha lesión importante nunha perna.
Salvamento Marítimo desprazou ata o lugar as embaracións Irmáns García Nodal e a Salvamar Mirach. Protección Civil de Cangas, a Policía Local e a Garda Civil tamén foron alertados.