A Garda Costeira italiana levou a cabo o rescate dun pesqueiro en perigo que navegaba cuns 600 migrantes preto de Sicilia. Un rescate que sucede a outro dunha nave con 221 persoas xunto a Lampedusa e un terceiro doutras 55 persoas pero esta vez realizado pola ONG Emergency. O Goberno italiano decretou o pasado martes o estado de emerxencia nacional migratorio durante os próximos seis meses nun intento, entre outras cousas, de potenciar as deportacións cun aumento dos centros para identificar e repatriar aos inmigrantes sen dereito ao asilo. Cabe lembrar que no que vai de ano, chegaron ás custas italianas 32.769 inmigrantes, case catro veces máis que no mesmo período do ano pasado (8.432), segundo datos do seu Ministerio do Interior.