Unha muller de 50 anos de idade, foi rescatada este venres tras sufrir unha caída nas Fragas do Eume, en Pontedeume, mentres practicaba sendeirismo pola zona. A muller, veciña de Madrid, atopábase cunhas compañeiras no «roteiro dous encomendeiros». Foi necesaria a intervención dos Bombeiros das Pontes de García Rodríguez para rescatala, xa que se precipitou por un desnivel e feriuse nun xeonllo, o que lle impediu continuar a marcha, nunha zona de difícil acceso. Deste xeito, o equipo de intervención evacuouna ata o lugar onde se atopaba a ambulancia desprazada polos servizos sanitarios, na que foi trasladada ao Hospital Arquitecto Marcide de Ferrol. Foi a propia sendeirista quen contactou co 112 Galicia para alertar da súa situación. A partir de aí, os xestores do CIAE 112 Galicia pasaron o aviso a Urxencias Sanitarias de Galicia-061, aos Bombeiros do Eume, á Policía Local, á Garda Civil e a Protección Civil.
40