A Deputación da Coruña retomou as obras de rehabilitación estrutural do firme da estrada DP 2405, entre os puntos quilométricos 6+000 e 6+600, no termo municipal de Ordes, que supoñen un investimento de 89.500 euros.
As obras supoñen a demolición e renovación completa dun total de 1.440 metros cadrados do firme, que estaba seriamente danado, o fresado e escavación de saneo cun metro de profundidade e o recheo posterior con lastro e tres capas de MBC.
Ademais, executarase a substitución da tubaxe de PVC para a recollida de pluviais do tramo e a renovación da sinalización horizontal e vertical.