Retomados os obradoiros de envellecemento activo en Ponteceso e Corme

• Desenvolveranse todos os mércores de abril e maio en horario de tarde

O Concello de Ponteceso retomou os obradoiros de envellecemento activo que se desenvolven todos os mércores de abril e maio tanto en Ponteceso (de 16:00 a 17:45 horas no edificio verde), como en Corme (de 18:00 a 19:45 horas na Casa dos Veciños).

Participan vinte persoas. As primeiras actividades centráronse en estimular a memoria, mentres que as seguintes irán encamiñadas á xerontoximnasia e o manexo de teléfonos móbiles, entre outras.