Os ataques e bombardeos deixáronse sentir de novo tras a tregua sobre a Franxa de Gaza. Os homes non puideron gozar doutro venres de calma, no que acudir á mesquita no seu día sacro, nin os nenos puideron xogar na rúa nin as mulleres ir ao mercado sen preocuparse de ser branco dun ataque israelí ou un ‘dano colateral’ desta guerra que deixou máis de 15.000 vítimas –incluídos máis de 6.000 de nenos–, preto do 80% da poboación desprazada e unhas 300.000 vivendas totalmente destruídas ou danadas. Os feridos volveron a chegar por decenas aos hospitais que están ou ben fóra de servizo ou funcionando ao límite das súas capacidades pola falta de subministracións e persoal médicos, e de combustible para os xeradores eléctricos. Segundo o ministerio de Sanidade de Gaza, máis de 200 palestinos morreron en 24 horas, desde que finalizou a pausa humanitaria. A Organización Mundial da Saúde (OMS) advertiu de que os hospitais están sobrepasados e os poucos/pouos que seguen operando non poden deixar de facelo. A organización Médicos Sen Fronteiras asegurou que “a situación humanitaria en o sur de Gaza é terrible e insegura”.
29