43
- O Goberno esixe a Torra que condene os incidentes violentos que esta madrugada deixaron 125 feridos.
Tras facelo con Pablo Casado, Pedro Sánchez reúnese tamén co líder de Podemos, Pablo Iglesias, e co de Ciudadanos, Albert Rivera, cos que analiza a situación en Cataluña tras a cadea de disturbios en distintos puntos desta comunidade con motivo das protestas contra a sentenza do procés. O Goberno insiste en que «unha minoría está a querer impoñer a violencia en Cataluña e crebar a convivencia». «O independentismo ten que condenar firmemente esa violencia», recalcan desde Moncloa, que insiste en que este «non é un movemento cidadán pacífico, senón coordinado por grupos extremistas que utilizan a violencia na rúa para romper a convivencia en Cataluña».