Muxía, no corazón da Costa da Morte, foi epicentro na madrugada deste luns dun tremor de terra de magnitude 3,1 graos na escala de Richter que se deixou sentir nos municipios lindeiros. En concreto, segundo os datos do Instituto Xeográfico Nacional (IGN), o tremor tivo lugar ás 6:38 horas da mañá nunha área rodeada polas aldeas de Quintáns, Cebráns, Fumiñeo e Castelo, a só un quilómetro de profundidade, nun monte próximo a parroquia de San Martiño de Ozón. Os rexistros do IGN apuntan a que o tremor se sentiu, ademais de en Muxía, en zonas de Vimianzo (Baíñas, A Gándara, Caxadas ou Vilaseco, entre outras e, con menor intensidade, en Cee e Dumbría.