O Instituto Xeográfico Nacional (IXN), detectou ás 7:14 horas deste luns, por medio da estación sísmica EMAZ ubicada en Mazaricos, un sismo de magnitude 2,5 ao norte de Malpica, preto de onde xa se producira outro coa mesma intensidade o pasado 12 de agosto. A diferenza é que o anterior tiña o seu epicentro a só un quilómetro de profundidade baixo o mar, mentres que o deste luns, tal e como informa o Instituto Xeográfico Nacional, estaba a sete quilómetros de fondo, a uns 42 quilómetros ao norte das Sisargas.