A localización determinada polo Instituto Xeográfico Nacional sitúase concretamente entre os concellos de Laxe e Camariñas, á altura de Camelle. O suceso produciuse no mar este martes ás 19:23 horas, pero puido sentirse en toda a Costa da Morte. A área de Sismoloxía do Instituto Xeográfico Nacional confirmou a magnitude de 3,7 mbLg, e asóciao ao municipio de Laxe. Os últimos tremores de relevancia nesta zona de costa producíronse no mes de decembro de 2020 en Cabana e xaneiro de 2021 preto de Caión, pero cunha intensidade menor, 2,5. Minutos máis tarde, o organismo oficial actualizou a información, situando o terremoto a dez quilómetros de profundidade, baixo os montes localizados entre Cabana e Laxe.
