A vicepresidenta terceira do Gobierno de España e ministra para a Transición Ecolóxica e Reto Demográfico, Teresa Ribera, e o ministro de Medio Ambiente e Acción Climática de Portugal, José Duarte Cordeiro, reuníronse en Bruxelas coa vicepresidenta da Comisión Europea e comisaria de Competencia, Margrethe Vestager, para solicitar a prórroga da solución ibérica, que limita en ambos os países o prezo do gas utilizado na produción de enerxía eléctrica.
Tratouse dunha primeira reunión positiva entre as partes, para iniciar formalmente o proceso que determine a posible prórroga do mecanismo.
Durante o encontro, analizouse o exitoso funcionamento da solución ibérica, desde que empezase a funcionar o pasado 15 de xuño de 2022.
Desde entón, as familias, a industria e as empresas de España víronse beneficiadas por un considerable aforro nas súas facturas eléctricas, que ata o 8 de xaneiro de 2023 estaba cifrado en 4.577 millóns de euros.
En liña co compromiso do MITECO e do conxunto do Gobierno para seguir protexendo ás persoas e ao crecemento económico do noso país, España enmarca esta petición de prórroga da solución ibérica como un mecanismo transitorio dentro do debate de fondo sobre a necesaria reforma do mercado eléctrico europeo.
A partir de agora, serán os equipos técnicos da Comisión Europea quen haberá de realizar os traballos de análises para a extensión da solución ibérica.